17-12-2007
終於搵到新工，搬返出城。我和輝去咗爸爸介紹傳聞 Auckland City 最好嘅酒樓返工。輝做樓面，而我就做樓面加帶位小姐。呢次喺我平生第二次做服務性行業。著上酒樓提供嘅綠色中國式上身衫加黑褲黑鞋，呢個做型簡直一絕！ 唔緊要，返正無人識我。我哋嘅人工喺每個 part 計，上下晝兩更，每更 NZ$ 35，每更包兩餐。十點半食早飯，十點九開始準備，十一點酒樓開門。三點鐘收工食午飯，通常食到三點半。計計吓話就話返四個鐘，實質要食佢嘅免費兩餐就起碼要五個鐘，呢間酒樓有五個老闆，其中有三個喺香港人，真喺會計到盡。早飯通常喺之前嗰晚賣剩嘅肉或死咗嘅魚，加清菜一碟，白飯任裝。午餐就當然喺賣剩嘅點心。雖然喺咁，但都叫做日日有肉有菜。
基本上我嘅主要工作就喺帶位，多人嘅時候仲要寫飛仔嗌咪！無嘢做嘅時候就要開茶加水兼執枱，總之即喺無野就要搵嘢嚟做。帶都要講技巧架，公司鬼佬客就帶坐𥦬口位，樣衰呀婆師奶就有咁入坐咁入，有 BB 車同輪椅就坐近門口嘅路口位，熟客就可以留座無敵靚位，非常現實。
呢間酒樓雖然叫做喺呢到最 high 嘅酒樓，但喺其實都唔喺好大，估計大約得五十張枱，所以周末日每枱只可食一個鐘。
第一日返工乜都唔識，所以好快就馬住兩個同事教路，一個叫 Jecky，一個叫 Amanda。忙完午飯時段之後，無驚無險到三點又收工。總括嚟講，雖然人工少，但唔駛日曬雨淋，如果日日都編到上下更應該都夠交租同開支，仲夠錢儲旅費。
2007年12月16日星期日
2007年11月24日星期六
Browns Bay 的薯條和魚
24-11-07 Sat 陰
因為生菜園五天工作，所以今早又回到了士多啤梨園既懷抱。放工後我地決定出去玩吓，所以約左 Fai 去搵吓附近有冇馬騎。渣車到附近最有可能有馬騎既地方，結果都係撲空，唯有到附近既 Browns Bay 睇吓海灘。雖然呢到喺一個旅遊景點，但我覺得只係普通沙灘一個，啲沙又唔滑。我哋行行吓見到間小型雪糕點，為咗想補償一吓失望既心情，咁就夾錢買咗一杯雪糕，可惜雪糕只喺普通貨式。打算離開之際，發現有間賣 Fish and Chips 既舖頭，諗諗吓嚟到呢度咁耐都未試過，雖然不太肚餓，但都決定夾錢一試。我哋 order 咗一份魚，一份薯條，等咗一陣，店員比咗一包熱辣辣用紙包住既嘢我，仲要好鬼大包。我地好興奮咁將佢打開，原來薯條和魚係咁大份既！但發覺原來係無茄汁送的！經商量後都係夾錢買一盒茄汁，先試薯條，確實皮脆肉軟，口感不俗，但當我點完茄汁後即刻想將薯條吐返出嚟。初時我以為包茄汁變壞咗，但後來先知道呢隻味係紐西蘭口味，為左要沖淡個口嗰陣怪怪既味道，我就轉移食魚。（呢件喺我喺紐西蘭第一次食既海鮮）魚肉炸得烚到好處，不過鮮味唔夠，不過經已算好好味。我哋正在忙碌食嘢既時候，發現有幾隻海鷗飛到我哋附近，好似好想食魚與薯條咁，我順手將一條炸燶咗既薯條碎掉出去，佢地即刻去搶食薯條，我覺得好神奇，點解海鷗係會食薯條，掉完一粒之後，發覺愈來愈多海鷗飛去我地旁邊等食，佢地仲傻更更，只要你扮掉薯條佢地就會沖去搵（哈哈！我仲拍左一段示範片段比大家睇）。食完薯條玩完海鷗，我哋就返去屋企。
因為生菜園五天工作，所以今早又回到了士多啤梨園既懷抱。放工後我地決定出去玩吓，所以約左 Fai 去搵吓附近有冇馬騎。渣車到附近最有可能有馬騎既地方，結果都係撲空，唯有到附近既 Browns Bay 睇吓海灘。雖然呢到喺一個旅遊景點，但我覺得只係普通沙灘一個，啲沙又唔滑。我哋行行吓見到間小型雪糕點，為咗想補償一吓失望既心情，咁就夾錢買咗一杯雪糕，可惜雪糕只喺普通貨式。打算離開之際，發現有間賣 Fish and Chips 既舖頭，諗諗吓嚟到呢度咁耐都未試過，雖然不太肚餓，但都決定夾錢一試。我哋 order 咗一份魚，一份薯條，等咗一陣，店員比咗一包熱辣辣用紙包住既嘢我，仲要好鬼大包。我地好興奮咁將佢打開，原來薯條和魚係咁大份既！但發覺原來係無茄汁送的！經商量後都係夾錢買一盒茄汁，先試薯條，確實皮脆肉軟，口感不俗，但當我點完茄汁後即刻想將薯條吐返出嚟。初時我以為包茄汁變壞咗，但後來先知道呢隻味係紐西蘭口味，為左要沖淡個口嗰陣怪怪既味道，我就轉移食魚。（呢件喺我喺紐西蘭第一次食既海鮮）魚肉炸得烚到好處，不過鮮味唔夠，不過經已算好好味。我哋正在忙碌食嘢既時候，發現有幾隻海鷗飛到我哋附近，好似好想食魚與薯條咁，我順手將一條炸燶咗既薯條碎掉出去，佢地即刻去搶食薯條，我覺得好神奇，點解海鷗係會食薯條，掉完一粒之後，發覺愈來愈多海鷗飛去我地旁邊等食，佢地仲傻更更，只要你扮掉薯條佢地就會沖去搵（哈哈！我仲拍左一段示範片段比大家睇）。食完薯條玩完海鷗，我哋就返去屋企。
2007年11月23日星期五
我在生菜園的日子（Day 2）
23-11-07 Fri 晴
今日除左早上都係包生菜之外，下午我哋學到樣新既嘢做，佢地話呢樣嘢係最容易既一個 job。新既工作叫 planting，喺要將啲生菜苗移植去小盆度。個動作其實好似機械人咁，右手攞起棵苗，左手攞起個盆，同時間一齊插入盆泥度，得左。（只要小盆入面有泥有苗同唔跌出嚟就得）我地都覺得好容易做，但係唔知點解做極都慢人成拍，之後個女主管見我地咁慢，就叫我地去做其它野。個樣野係將一啲佢地認為唔可以賣、種唔大或者有病既生菜掉左佢，但係我地都要拎起生菜，拔走啲根，然後攞走小盆子，再將生菜同泥掉落地下。（其實有啲生菜係樣衰啲，但係應該都食得）呢樣係令人良心最過意唔去既工作，大大話話都掉左成百個生菜，一直掉到放工，然後返屋企。
今日除左早上都係包生菜之外，下午我哋學到樣新既嘢做，佢地話呢樣嘢係最容易既一個 job。新既工作叫 planting，喺要將啲生菜苗移植去小盆度。個動作其實好似機械人咁，右手攞起棵苗，左手攞起個盆，同時間一齊插入盆泥度，得左。（只要小盆入面有泥有苗同唔跌出嚟就得）我地都覺得好容易做，但係唔知點解做極都慢人成拍，之後個女主管見我地咁慢，就叫我地去做其它野。個樣野係將一啲佢地認為唔可以賣、種唔大或者有病既生菜掉左佢，但係我地都要拎起生菜，拔走啲根，然後攞走小盆子，再將生菜同泥掉落地下。（其實有啲生菜係樣衰啲，但係應該都食得）呢樣係令人良心最過意唔去既工作，大大話話都掉左成百個生菜，一直掉到放工，然後返屋企。
2007年11月22日星期四
我在生菜園的日子（Day 1）
22-11-07 Thu 陰
昨天晚上個 agent 突然走嚟同我哋講問我哋可唔可以幫佢去生菜園做兩日工，時薪 NZ$ 11.5，不過要我哋保守秘密。因為只喺得兩個位，所以唔可以比咁多人知。因為摘士多啤梨實在幾辛苦，我同 Wing 即刻 lur 飯應。今早我哋懷著重獲新生既心情返新工，我哋喺一個溫室生菜園工作，打卡後就立即帶上手套，到旁邊既溫室幫手包裝生菜（佢地好似喺到趕緊出口一批最靚最新鮮既生菜），我哋既工作就係將生菜一手拎起，拔走啲根，然後攞走個小盆子，再攞刀仔切咗啲泥兼除去所有黃黃哋既葉，跟住入盒。（唔好睇落咁簡單，其實啲生菜個頭好鬼硬，而且嗰啲所謂既黃黃地既葉，以我既定義嚟講只喺無咁綠，對於三餐不飽既我哋嚟講，簡值喺浪費！）我哋開行 Turbo 都慢人地成條街，佢地好快就趕完工。之後我地比人叫咗去休息十分鐘，再去另一個溫室包賣往本地既生菜（心諗呢份工咁筍既）。今次有啲唔同，唔駛用刀仔，只係將生菜拎起，拔走啲根，然後攞走小盆子，搣晒所有黃黃哋既葉再一手將生菜放入膠袋並用橡筋紮好，放入大籃，一個大籃放十二個生菜（做野時生菜園老闆仲不時入嚟問我地辛唔辛苦，做得慣唔慣開唔開心）。種生菜既枱大約去到腰咁高，要拎佢地其實都唔係咁就手，而且唔可以拎晒出嚟再入袋，要包完一個到一個（咁做係要保持新鮮喎），簡直係超無效率。咁我同呀 Wing 就諗，不如一個人一搣一個人包，我哋明明眼見佢哋都係咁做，但係我哋咁做既時候佢哋又話唔得，咁我哋唯有繼續用呢個超無效率既方法，包到收工。雖然份工做上嚟無咩效率，不過我同呀 Wing 都覺得呢到好似好溫暖，相對摘士多啤梨呢份簡直係筍工，就咁我地就帶住滿懷希望既心情放工返屋企。
昨天晚上個 agent 突然走嚟同我哋講問我哋可唔可以幫佢去生菜園做兩日工，時薪 NZ$ 11.5，不過要我哋保守秘密。因為只喺得兩個位，所以唔可以比咁多人知。因為摘士多啤梨實在幾辛苦，我同 Wing 即刻 lur 飯應。今早我哋懷著重獲新生既心情返新工，我哋喺一個溫室生菜園工作，打卡後就立即帶上手套，到旁邊既溫室幫手包裝生菜（佢地好似喺到趕緊出口一批最靚最新鮮既生菜），我哋既工作就係將生菜一手拎起，拔走啲根，然後攞走個小盆子，再攞刀仔切咗啲泥兼除去所有黃黃哋既葉，跟住入盒。（唔好睇落咁簡單，其實啲生菜個頭好鬼硬，而且嗰啲所謂既黃黃地既葉，以我既定義嚟講只喺無咁綠，對於三餐不飽既我哋嚟講，簡值喺浪費！）我哋開行 Turbo 都慢人地成條街，佢地好快就趕完工。之後我地比人叫咗去休息十分鐘，再去另一個溫室包賣往本地既生菜（心諗呢份工咁筍既）。今次有啲唔同，唔駛用刀仔，只係將生菜拎起，拔走啲根，然後攞走小盆子，搣晒所有黃黃哋既葉再一手將生菜放入膠袋並用橡筋紮好，放入大籃，一個大籃放十二個生菜（做野時生菜園老闆仲不時入嚟問我地辛唔辛苦，做得慣唔慣開唔開心）。種生菜既枱大約去到腰咁高，要拎佢地其實都唔係咁就手，而且唔可以拎晒出嚟再入袋，要包完一個到一個（咁做係要保持新鮮喎），簡直係超無效率。咁我同呀 Wing 就諗，不如一個人一搣一個人包，我哋明明眼見佢哋都係咁做，但係我哋咁做既時候佢哋又話唔得，咁我哋唯有繼續用呢個超無效率既方法，包到收工。雖然份工做上嚟無咩效率，不過我同呀 Wing 都覺得呢到好似好溫暖，相對摘士多啤梨呢份簡直係筍工，就咁我地就帶住滿懷希望既心情放工返屋企。
2007年11月19日星期一
粒粒皆腰斷
19-11-07 Mon 晴
終於到左第一天要工作既日子，真係返診所都無咁早吵，我同Wing天都未光零晨4:30就起身，食埋個白麵包早餐準時5:30坐agent架車往草莓園出發 (唔好以為唔駛錢，每程位位$2) ，大約20 mins.到達草莓園。著住對fashion gum boots落場超唔習慣，踏上去個泥地有d企唔穩，每人分佈好個號碼牌後就要自己選一架”戰車” (得1個轆，用來載住d放滿左摘好既士多啤梨籃，1個籃有9個小盒，1個小盒就好似大半個家庭裝雪糕盒咁)，然後推返出去條line既頭/ 尾/ 收集車上等人收集)，然後一個人一條line排好 (感覺有d似跑馬)，載住1至3個吉籃 (如你不怕重大可以拿4個，我就頂盡勉強都係拿3個)，一路推一路彎腰摘。每人負責左右的草莓樹，有人教完我地摘既方法後就各自開始 (呢個果園規矩係摘既時候唔准掂到粒草莓，草莓要留條棍而且不可長過6mm！) 。我地既人工係contract制，$0.5/ kg之後仲要交稅 (即大約剩返$0.3x/ kg 落袋)。因為夜晚好凍，d草莓都凍到硬晒，好似係冰格拿出黎咁 (唔好講笑..我成個人都好鬼凍！)。摘摘吓唔小小搣爛左粒好大粒草莓既葉，覺得超可惜！諗左一陣 (因為怕唔乾淨)，最後都決定將它送到我的肚裡..hee，那就是我的第一粒超新鮮超甜的士多啤梨了！) 第一個場既草莓都幾大粒，好快就滿一籃，滿左就知道大獲了，架車本身就已經重又難推，載滿士多啤梨更加唔係好推得動架車，決定先將滿左既籃拿返去條line既頭放低…超重呢..我諗最少有8kgs！我同Wing摘得超慢，摘一行都成一個鐘，不斷係咁彎腰起身又要搬d籃，腰都斷！太陽開始出黎，我地要在最熱既時間前完成。越來越曬，越摘就越慢…仲有呢度d人唔飲水 (應該係想飲冇力飲)，因為飲水後可能要去廁所，廁所離塊田好遠，如果你咁啱摘酊條line既中段仲大獲，去又累又浪費時間。一日大約平均做3個場，通常要摘完先走得，你唔摘其他人都要幫你完成埋先可收工，今日就由朝早6:00摘到下午1:00。返到家後沖完涼食完公仔麵已經半死狀態，手痛腳痛腰斷，基本上坐都有困難！我和Wing都要互搽”卉肌”，之後Wing話佢唔眼瞓但我都係頂唔順要瞓返幾個鐘休養返下…
瞓醒後已經趕唔切去library，咁就唯有食晚飯之後又去瞓覺了。
終於到左第一天要工作既日子，真係返診所都無咁早吵，我同Wing天都未光零晨4:30就起身，食埋個白麵包早餐準時5:30坐agent架車往草莓園出發 (唔好以為唔駛錢，每程位位$2) ，大約20 mins.到達草莓園。著住對fashion gum boots落場超唔習慣，踏上去個泥地有d企唔穩，每人分佈好個號碼牌後就要自己選一架”戰車” (得1個轆，用來載住d放滿左摘好既士多啤梨籃，1個籃有9個小盒，1個小盒就好似大半個家庭裝雪糕盒咁)，然後推返出去條line既頭/ 尾/ 收集車上等人收集)，然後一個人一條line排好 (感覺有d似跑馬)，載住1至3個吉籃 (如你不怕重大可以拿4個，我就頂盡勉強都係拿3個)，一路推一路彎腰摘。每人負責左右的草莓樹，有人教完我地摘既方法後就各自開始 (呢個果園規矩係摘既時候唔准掂到粒草莓，草莓要留條棍而且不可長過6mm！) 。我地既人工係contract制，$0.5/ kg之後仲要交稅 (即大約剩返$0.3x/ kg 落袋)。因為夜晚好凍，d草莓都凍到硬晒，好似係冰格拿出黎咁 (唔好講笑..我成個人都好鬼凍！)。摘摘吓唔小小搣爛左粒好大粒草莓既葉，覺得超可惜！諗左一陣 (因為怕唔乾淨)，最後都決定將它送到我的肚裡..hee，那就是我的第一粒超新鮮超甜的士多啤梨了！) 第一個場既草莓都幾大粒，好快就滿一籃，滿左就知道大獲了，架車本身就已經重又難推，載滿士多啤梨更加唔係好推得動架車，決定先將滿左既籃拿返去條line既頭放低…超重呢..我諗最少有8kgs！我同Wing摘得超慢，摘一行都成一個鐘，不斷係咁彎腰起身又要搬d籃，腰都斷！太陽開始出黎，我地要在最熱既時間前完成。越來越曬，越摘就越慢…仲有呢度d人唔飲水 (應該係想飲冇力飲)，因為飲水後可能要去廁所，廁所離塊田好遠，如果你咁啱摘酊條line既中段仲大獲，去又累又浪費時間。一日大約平均做3個場，通常要摘完先走得，你唔摘其他人都要幫你完成埋先可收工，今日就由朝早6:00摘到下午1:00。返到家後沖完涼食完公仔麵已經半死狀態，手痛腳痛腰斷，基本上坐都有困難！我和Wing都要互搽”卉肌”，之後Wing話佢唔眼瞓但我都係頂唔順要瞓返幾個鐘休養返下…
瞓醒後已經趕唔切去library，咁就唯有食晚飯之後又去瞓覺了。
2007年11月18日星期日
2007年11月16日星期五
搬家
16-11-07 Fri 雨
早上10:00，John Li 親自黎到 YHA International 接我地去他們的 accommodation，位置是在 North Shore 既 Albany，聽John Li話呢區係富豪學校區來的。
我地終於有個第一個住址了~
郵址係﹕Rm. D26, Uni House, 418 Albany Highway, Albany, North Shore, Auckland 0632, New Zealand.
從市中心大約半小時車程就到左個agent既accommodation，嘩~ 確實比YHA 豪華啲既..如果一人一房既話要 $105/ week，咁我同Wing就決定share一間房因為可以平d嘛，每人成為 $95/ week~
填好晒所有check-in和份工報稅既文件後，我地就為間房進行大重組~ 為左令個2個喼同埋間房見駛d，我就將個書枱﹑書架同衣櫃黎個大移動，最後變成中既格局了~ 大重組後我地搭agent既順風車去Pak n Save 超市買野，第一次去到所為最平既超市，見到d價錢依然有d滴汗^^”，為有買左少少糧食做”維生品”之後就走。之後就要以後落田而去準備Gum boots了(即係賣魚個種膠靴~) 我地去左 The Warehouse 見到雖然買第二對有半價，但一對要成$32…不過我地勁好彩，搵到2對賣剩既pattern賣$9.99，買2對第二對仲有半價，每人$7.x簡直係超值~ 而個款呢..雖然唔係好似用黎落田，(係呢排香港個d落雨出街日本膠靴款^^”) 超fashion！買完晒野就要行路返屋企..原來搭車幾分鐘，行返去行左45分鐘！返到去已經累死…食完簡餐就沖涼瞓lu。
早上10:00，John Li 親自黎到 YHA International 接我地去他們的 accommodation，位置是在 North Shore 既 Albany，聽John Li話呢區係富豪學校區來的。
我地終於有個第一個住址了~
郵址係﹕Rm. D26, Uni House, 418 Albany Highway, Albany, North Shore, Auckland 0632, New Zealand.
從市中心大約半小時車程就到左個agent既accommodation，嘩~ 確實比YHA 豪華啲既..如果一人一房既話要 $105/ week，咁我同Wing就決定share一間房因為可以平d嘛，每人成為 $95/ week~
填好晒所有check-in和份工報稅既文件後，我地就為間房進行大重組~ 為左令個2個喼同埋間房見駛d，我就將個書枱﹑書架同衣櫃黎個大移動，最後變成中既格局了~ 大重組後我地搭agent既順風車去Pak n Save 超市買野，第一次去到所為最平既超市，見到d價錢依然有d滴汗^^”，為有買左少少糧食做”維生品”之後就走。之後就要以後落田而去準備Gum boots了(即係賣魚個種膠靴~) 我地去左 The Warehouse 見到雖然買第二對有半價，但一對要成$32…不過我地勁好彩，搵到2對賣剩既pattern賣$9.99，買2對第二對仲有半價，每人$7.x簡直係超值~ 而個款呢..雖然唔係好似用黎落田，(係呢排香港個d落雨出街日本膠靴款^^”) 超fashion！買完晒野就要行路返屋企..原來搭車幾分鐘，行返去行左45分鐘！返到去已經累死…食完簡餐就沖涼瞓lu。
2007年11月15日星期四
伊甸山 與 藍天塔
15-11-07 Thur 晴
早餐後衝到 library上網，然後一行3人本打算去 Sky Tower 參觀，但因為 Aggie 趕巴士，所以唯有先幫她拉行李去巴士站。巴士站位於Water Water Front 附近，道別後我們順道去著名的 Water Front 看看。Water Front 其實係指最近海邊的地方，Auckland 又名帆船之城，我們去到看到的當然就係好多好多好靚既帆船啦！之後我們在去 Mt. Eden 的巴士上吃著在 supermarket 買的午餐 (白方包一條)，約 15 mins 就已到達死火山 Mt. Eden 山腳。兜兜轉轉行左 45 mins ，見到山坡上好多牛，原來已經差不多到了！眼前見到好大的倒圓錐形的凹洞，那就是火山口呢，但現在已長滿青草和小花。希望我影既相會見到那是有層次的..是凹下去的！行到中途有個台灣叔叔見我地講 "廣東話" 就走左黎同我地傾計...原來佢超勁佢係從第二個地區踏左 2小時 "單車" 到山腳然後再行上黎...(厲害!)...我地傾左一陣 "大江南北" 後佢又行返落去之後又踏返 2小時單車返去...^^" 不知不覺已經上到最高處 (書上寫的是海拔196米)，再往下看更加清楚看到火山口 (這時竟然有個無聊人竟然在寫明 "不準進入火山口" 既牌度就咁行左落去..然後當然就係落山容易上山難呢..(奸笑)..起碼有成 80度 lor~傻仔！) 上到火山口頂除左見到個火山隆之外，原來背脊可以見到 Sky Tower﹑大橋同埋 Auckland city 呢~ 影完相我地搭返巴士向 Sky Tower 出發！落左車行去 Sky Tower 途中見 Auckland Art Center 唔駛入場費，咁就梗係唔好浪費入去參觀下~ 平生都係第一次入啲咁既地方，簡直好似睇戲咁..一個好大既地方，牆上掛左一啲畫同藝術品，參觀既人就企係那些展品前靜思...Anyway, 間 Art Center 既外觀真係好靚~終於到左 Sky Tower 下面見到上面有人跳落黎...哈哈..係有人玩緊 sky jump 啫~ (雖然真係好高但我唸應該笨猪跳剌激啲~) 用左$18入場上到去可以看到 Auckland city 既全景，而見到遊人在那玻璃地板上玩…感覺就好似去左澳門旅遊塔咁..~_~” 衝衝影相後就要去library會下一個都係香港黎既男仔阿輝了(又識多個香港人真係開心~)。
早餐後衝到 library上網，然後一行3人本打算去 Sky Tower 參觀，但因為 Aggie 趕巴士，所以唯有先幫她拉行李去巴士站。巴士站位於Water Water Front 附近，道別後我們順道去著名的 Water Front 看看。Water Front 其實係指最近海邊的地方，Auckland 又名帆船之城，我們去到看到的當然就係好多好多好靚既帆船啦！之後我們在去 Mt. Eden 的巴士上吃著在 supermarket 買的午餐 (白方包一條)，約 15 mins 就已到達死火山 Mt. Eden 山腳。兜兜轉轉行左 45 mins ，見到山坡上好多牛，原來已經差不多到了！眼前見到好大的倒圓錐形的凹洞，那就是火山口呢，但現在已長滿青草和小花。希望我影既相會見到那是有層次的..是凹下去的！行到中途有個台灣叔叔見我地講 "廣東話" 就走左黎同我地傾計...原來佢超勁佢係從第二個地區踏左 2小時 "單車" 到山腳然後再行上黎...(厲害!)...我地傾左一陣 "大江南北" 後佢又行返落去之後又踏返 2小時單車返去...^^" 不知不覺已經上到最高處 (書上寫的是海拔196米)，再往下看更加清楚看到火山口 (這時竟然有個無聊人竟然在寫明 "不準進入火山口" 既牌度就咁行左落去..然後當然就係落山容易上山難呢..(奸笑)..起碼有成 80度 lor~傻仔！) 上到火山口頂除左見到個火山隆之外，原來背脊可以見到 Sky Tower﹑大橋同埋 Auckland city 呢~ 影完相我地搭返巴士向 Sky Tower 出發！落左車行去 Sky Tower 途中見 Auckland Art Center 唔駛入場費，咁就梗係唔好浪費入去參觀下~ 平生都係第一次入啲咁既地方，簡直好似睇戲咁..一個好大既地方，牆上掛左一啲畫同藝術品，參觀既人就企係那些展品前靜思...Anyway, 間 Art Center 既外觀真係好靚~終於到左 Sky Tower 下面見到上面有人跳落黎...哈哈..係有人玩緊 sky jump 啫~ (雖然真係好高但我唸應該笨猪跳剌激啲~) 用左$18入場上到去可以看到 Auckland city 既全景，而見到遊人在那玻璃地板上玩…感覺就好似去左澳門旅遊塔咁..~_~” 衝衝影相後就要去library會下一個都係香港黎既男仔阿輝了(又識多個香港人真係開心~)。
2007年11月14日星期三
無奈
14-11-07 Wed 晴雨晴雨..
起身後即刻落去要求換房，之後就去左廚房揾到d人地唔要既 free food 做早餐 (白方包 + 牛油 + 白烚意粉 ~ 慳得就慳)，即刻就出去開電話卡同銀行戶口，出到去依然超凍但好好天，去到馬路前落好大雨，跑跑跑完一輪。返到黎揾陣工之後 (結果無乜好，最後都係要搵 John Li 安排我地最唔想做既摘 strawberry！) 跟住我地出左 library 唸住免費上網，但上左 5 mins 左右 library 就關門(working hour 09:00-20:00) ，但係我地梗係順手book埋明天一早 09:15 再去上網~ 跟住我地唯有再share 比錢去 internet cafe 上左 20mins 網 (好貴啊！NZ$1/ 20mins) 之後行左一陣唸住搵下超市 (中途在街上見到個香港人，問下路就識左佢，佢仲比埋電話號碼我地 tim) ，結果行極都搵唔到就返去煮完公仔麵食。沖完涼出黎竟然撞到之前我想 meet 既女仔Aggie (她是最有可能同我 share 買車既人)，我地見到面簡直好似久別重逢咁即刻擁抱一下，傾到 11點幾跟住返房後又比人鬧！
起身後即刻落去要求換房，之後就去左廚房揾到d人地唔要既 free food 做早餐 (白方包 + 牛油 + 白烚意粉 ~ 慳得就慳)，即刻就出去開電話卡同銀行戶口，出到去依然超凍但好好天，去到馬路前落好大雨，跑跑跑完一輪。返到黎揾陣工之後 (結果無乜好，最後都係要搵 John Li 安排我地最唔想做既摘 strawberry！) 跟住我地出左 library 唸住免費上網，但上左 5 mins 左右 library 就關門(working hour 09:00-20:00) ，但係我地梗係順手book埋明天一早 09:15 再去上網~ 跟住我地唯有再share 比錢去 internet cafe 上左 20mins 網 (好貴啊！NZ$1/ 20mins) 之後行左一陣唸住搵下超市 (中途在街上見到個香港人，問下路就識左佢，佢仲比埋電話號碼我地 tim) ，結果行極都搵唔到就返去煮完公仔麵食。沖完涼出黎竟然撞到之前我想 meet 既女仔Aggie (她是最有可能同我 share 買車既人)，我地見到面簡直好似久別重逢咁即刻擁抱一下，傾到 11點幾跟住返房後又比人鬧！
2007年11月13日星期二
坎坷
13-11-07 Tue 晴
轉機時delay左1小時, 期間比海關收左杯上機撻返黎既乳酪同水後襯空蕩在機場用下free internet，最後等左4 hrs後就從Sydney轉機到Auckland。午餐是超正既印度咖哩雞飯~超好味！想食多個但當然無人理我..食完好快就落機...開始坎坷既一日...落機後覺得超凍，已經唸起被留在家中的禦衣物，拿行李時又發覺唔見左條行李帶，搭機場巴士又比巴士司機點錯落車站！拿住幾十公斤停在斜路頂(我地間旅館在這條超斜...個喼放響度係會自己碌落山架囉！應該有成70度！)既斜路腳..又飢寒交迫，我地一個人行先，行十零步放低個喼，然後另一個人頂住個喼，第一個人再回幫第二個人，真係行九年都未行到囉！最後有些新加坡交換生經過，又去同一間旅舍，我地咪請佢地幫下手，咁先可以行到咋！去到之後仲要話房滿晒要我同wing今晚要分房瞓，之後同wing去左間日本餐廳食餐豪既 (叫左一個燒雞串飯，NZ$9) 跟住返去沖埋涼已經成12點幾，返到間房勁比人鬧囉！話我嘈住佢地！我想話會唔會係佢地太早瞓囉！9點10點就瞓！搞到我瞓覺轉身都唔敢，費事又話我嘈！
2007年11月12日星期一
出走開始
12-11-07 Mon 晴
出發了~ 到今天已沒有之前那種等待出發而興奮的感覺，可能對此旅程已沒有什麼期待吧。我同媽媽， Emily 拿著沈重既行李 (真的很重呢..背包11kg + 28" 載滿 25kg物品既喼...^^" 仲要係因為怕超重而"精簡"之後既行李)，我地幾經辛苦去拖到樓下等 Choco 同佢朋友時竟然撞到Max！ 咁就順便影相加做埋人情比佢了~因為佢12月尾結婚呢~
到左機場時已經見到我爸爸和王子，平安過渡 check in (好彩d地勤無要我比超重附加費..我個喼起碼超左5kg，背包起碼超左3kg！)之後就作上機前最後合照~ Bye~ i miss u all~
開機後第一餐食川椒牛肉飯配中式蔬菜~可惜呢間Quantas Airlines d 服務差！要枕頭無枕頭，要啤牌無啤牌！而且餐份量少，但好彩餐數多~ 食完飯又派hot chocolate 飲，我同wing食完飲完之後又拿杯麵同蘋果食..haha~ 瞓醒之後就食早餐~中式點心..但味道極之唔掂 lor！經過左差不多10 hrs終於到左Sydney機場了~
出發了~ 到今天已沒有之前那種等待出發而興奮的感覺，可能對此旅程已沒有什麼期待吧。我同媽媽， Emily 拿著沈重既行李 (真的很重呢..背包11kg + 28" 載滿 25kg物品既喼...^^" 仲要係因為怕超重而"精簡"之後既行李)，我地幾經辛苦去拖到樓下等 Choco 同佢朋友時竟然撞到Max！ 咁就順便影相加做埋人情比佢了~因為佢12月尾結婚呢~
到左機場時已經見到我爸爸和王子，平安過渡 check in (好彩d地勤無要我比超重附加費..我個喼起碼超左5kg，背包起碼超左3kg！)之後就作上機前最後合照~ Bye~ i miss u all~
開機後第一餐食川椒牛肉飯配中式蔬菜~可惜呢間Quantas Airlines d 服務差！要枕頭無枕頭，要啤牌無啤牌！而且餐份量少，但好彩餐數多~ 食完飯又派hot chocolate 飲，我同wing食完飲完之後又拿杯麵同蘋果食..haha~ 瞓醒之後就食早餐~中式點心..但味道極之唔掂 lor！經過左差不多10 hrs終於到左Sydney機場了~
訂閱：
文章 (Atom)