23-11-07 Fri 晴
今日除左早上都係包生菜之外，下午我哋學到樣新既嘢做，佢地話呢樣嘢係最容易既一個 job。新既工作叫 planting，喺要將啲生菜苗移植去小盆度。個動作其實好似機械人咁，右手攞起棵苗，左手攞起個盆，同時間一齊插入盆泥度，得左。（只要小盆入面有泥有苗同唔跌出嚟就得）我地都覺得好容易做，但係唔知點解做極都慢人成拍，之後個女主管見我地咁慢，就叫我地去做其它野。個樣野係將一啲佢地認為唔可以賣、種唔大或者有病既生菜掉左佢，但係我地都要拎起生菜，拔走啲根，然後攞走小盆子，再將生菜同泥掉落地下。（其實有啲生菜係樣衰啲，但係應該都食得）呢樣係令人良心最過意唔去既工作，大大話話都掉左成百個生菜，一直掉到放工，然後返屋企。
